Публикации » Юрлать, ташлать "Аххаяс"

01 ноября 2014 г.

Октябрĕн 23-24 - мĕшĕсенче Шупашкарта "Халăх искусстви. Актуаллăх. Этнокультура хутшăнăвĕсем. Пурнăç меслечĕ-сем. Аталану проблемисем" ятпа Пĕтĕм Раççейри нукăпа практика конференцийĕ иртнĕ. Ăна халăх фольклорĕн йăли-йĕркисене аталантарас, пуçаруллă ĕçлекен фольклор ушкăнĕсемпе ансамблĕсен ĕçне-хĕлне пропагандăламалли майсене палăртас тĕллевпе ирттернĕ. Конференци ĕçленĕ кунсенче Ф.П. Павлов ячĕллĕ музыка училищин концерт залĕнче Чăваш Енпе Тутарстанри малта пыракан фольклор специалисчĕсем мастер-класс кăтартса панă. Пирĕн районти Пуянкасси ял тăрăхĕн "Аххаяс" фольклор ансамблĕ унта "Кĕр сăрипе" "Улах сăри" уявĕсем Шăмăршă тăрăхĕнче ĕлĕкрех мĕнле иртнине сăнланă. Фольклор пултарулăхне çỹллĕ шайра кăтартнăшăн "Аххаяс" ансамбле Чăваш Республикин Культура, национальноçсен ĕçĕсен тата архив ĕçĕн министерстви асăнмалăх парнепе чысланă. Çакна палăртмалла: "Аххаяс" ансамбль хăйĕн репертуарне çĕнетсех пырать, халăх йăли-йĕркипе çыхăннă материалсем пуçтарса сцена çине кăларать.                                                                                                                                   О.КУЗНЕЦОВ.