07 ноября 2014 г.
Çĕр лаптăкĕн хуçин тĕп тивĕçĕ - унпа тĕллевлĕн усă курасси. Шел те, пурнăçра урăхла тĕслĕхсем те тĕл пулаççĕ. Акă патшалăх çĕр надзорĕн районти инспекторĕ çулталăк пуçланнăранпа çĕр законодательствине сĕмсĕррĕн пăснă 25 тĕслĕх тупса палăртнă. Нумайăшĕ килти хушма хуçалăх йĕркелеме тата çурт-йĕр лартма тесе илнĕ çĕр лаптăкĕсене пушă вырттараççĕ. Вĕсенче хыт-хура ашкăрса ỹсет, ял ятне ярать. Шăмăршăри "Çĕнтерỹ 55 çулта", Энтузиастсен, Афанасьев, Максимов урамĕсенче йĕркене пăсакансем уйрăмах нумай. Çак лаптăксен хуçисем, çĕр илнĕренпе 2-4 çул иртнĕ пулин те, унпа усă курма шутламаççĕ. Саккуна пăхăнман граждансене çирĕп асăрхаттарнă, çĕрпе малашне те тĕллевлĕ усă курмасан уйăрса панă лаптăка туртса илеççĕ. Н.ДМИТРИЕВ