12 ноября 2014 г.
Кăçалхи 9 уйăхра район бюджечĕ тупăшсем енĕпе 154992884,67 тенкĕ, тăкаксем енĕпе 150399255,26 тенкĕ чухлĕ пурнăçланнă. Тупăш илни тăкаксенчен 4593629,41 тенкĕ нумайрах. Çак цифрăсене район Пухăвĕн депутачĕсен ноябрĕн 7-мĕшĕнче иртнĕ черетлĕ ларăвĕнче район администрацийĕн финанс пайĕн пуçлăхĕ О.Миронова илсе кăтартнă. Ларура депутатсем район экономикипе социаллă пурнăçĕ кăçалхи 9 уйăхра мĕнле аталанни çинчен район администрацийĕн экономика пайĕн пуçлăхĕ Э.Жамкова пĕлтернине те итленĕ. Бюджетăн тĕрлĕ пайĕсене налуксем пырса кĕресси 104,7 процент ỹснĕ, халăха ĕçпе тивĕçтересси лайăхланнă. Депутатсем, кун йĕркине кĕртнĕ ыйтусене малалла пăхса тухнă май, район Уставне хăш-пĕр улшăнусем кĕртме йышăннă. Çак улшăнусене унччен халăх итлевĕнче тĕплĕн сỹтсе явнă пулнă. В.ДМИТРИЕВ.