Публикации » Бюджета çирĕплетнĕ

19 ноября 2014 г.

Ноябрĕн 17-мĕшĕнче Шăмăршăра район депутачĕсен Пухăвĕн черетсĕр ларăвĕ иртнĕ. Депутатсем кун йĕркине кĕртнĕ икĕ ыйтăва - Шăмăршă районĕн 2015 çулхи тата 2017 çулчченхи тапхăрти социаллă пурнăçĕпе экономика аталанăвĕн прогнозĕн проектне тата Шăмăршă районĕн 2015 çулхи, планпа пăхнă 2016 тата 2017 çулсенчи бюджет прогнозĕн проектне сỹтсе явнă. Маларах çак проектсене халăх итлевĕнче сỹтсе явнă май, депутатсен ку хутĕнче ыйтусем пулман. Çавăнпа та вĕсем районăн социаллă пурнăçĕпе экономика аталанăвĕн прогнозĕн проектне вăрах хушă сỹтсе явмасăрах йышăннă. Депутатсем çавăн пекех Шăмăршă районĕн 2015 çулхи, планпа пăхнă 2016 тата 2017 çулсенчи бюджетне çирĕплетсе хăварнă. Лару ĕçне район администрацийĕн пуçлăхĕн пĕрремĕш çумĕ В.Никифоров хутшăннă.

В.ДМИТРИЕВ.