19 ноября 2014 г.
"РОССИЯ 24" телеканал ноябрĕн 17-28-мĕшĕсенче Мускав вăхăчĕпе 23.30 сехетре кашни кунах 12 сериллĕ документлă "Антология антитеррора" фильм кăтартать. Терроризм вăл - этемлĕхĕн чи хăрушă тăшманĕ. Камсем-ха вĕсем - террористсем, вĕсен планĕсем еплерех? Çынсене вĕлерни камшăн усăллă? Ирсĕрлĕх идеологийĕн "серепине" мĕнле çынсем çакланаççĕ? Ислам мĕне вĕрентет? Террорăн хăрушă вăрçинчен пире кам хỹтĕлĕ? Ятарлă службăсен оперативлă ỹкерчĕкĕсем, паллă политиксемпе психологсен, тĕне тĕпчекенсен, экспертсен, террорпа кĕрешекен подразделени ветеранĕсен шухăшĕ... "Антология антитеррора" фильма курмасăр ан юлăр! Терроризм хăрушлăхĕ çинчен пурин те пĕлмелле, унран сыхланма тăрăшмалла.
Мининформполитикăн пресс-служби.