Публикации » Укçа ытларах килтĕр

22 ноября 2014 г.

Чăваш Республикинчи Министрсен Кабинетне ертсе пыракан Иван Моторин çак кунсенче федерацин Атăлçи округĕнче инвестици илĕртỹлĕхне лайăхлатассипе, пĕчĕк тата вăтам предпринимательлĕхе аталантарма чăрмантаракан сăлтавсен шутне чакарассипе ĕçлекен комисси ларăвне хутшăннă. Йошкар-Ола хулинче иртнĕ мероприятие Раççей Федерацийĕн Президенчĕн Атăлçи округĕнчи представителĕ Михаил Бабич ертсе пынă. Унта Раççей Президенчĕ Атăлçи тăрăхĕнчи регионсенче инвестици илĕртỹлĕхне ỹстерессипе, бизнеса аталантарма майсем йĕркелессипе панă хушусене мĕнле пурнăçланине сỹтсе явнă. Раççей субъекчĕсене инвестици климачĕн наци рейтингне йĕркелемелли мелсене, пĕчĕк тата вăтам бизнеса ăнăçлă аталантаракансен тĕслĕхĕсемпе усă курас ыйтăва пăхса тухнă. Федерацин Атăлçи округĕнчи инвестици уполномоченнăйĕн кăçалхи ĕçĕн отчетне итленĕ.