Публикации » Экскурси адресĕ - "Сувар" предприяти

22 ноября 2014 г.

Ноябрĕн 17-21-мĕшĕсенче Чăваш Енре волонтер-профориентаторсен "Эсĕ суйласа илнĕ професси" акцийĕ иртнĕ. Халăха ĕçпе тивĕçтерекен служба пуçарнипе, çак акци 2008 çултанпа иртет. Шăмăршăри вăтам шкулта вĕренекенсем "Сувар" АСОна экскурси йĕркеленĕ. Предприяти ертỹçи А.Максимов вĕренекенсене производство базипе тĕплĕн паллаштарнă. Ачасем çăнăх тата кĕрпе тăвакан цехра, выльăх апачĕ хатĕрлекен цехра, хăма çуракан цехра, автомобильсем юсакан цехра пулса курнă, рабочисемпе калаçнă. Лаша витине кĕрсе курни те пурне те килĕшнĕ: кунта лаша спортне аталантарассишĕн пысăк вăй хураççĕ иккен. "Сувар" АСОри профессисем вĕренекенсене питĕ килĕшнĕ, шкултан вĕренсе тухнă хыççăн кунта ĕçлеме килес шухăшлисем нумай пулнă.

С.КУЗЬМИН.