26 ноября 2014 г.
Çак кунсенче "Чăваш вăрманĕ" наци паркĕн территорийĕнче савăнăçлă лару-тăрура туристсем валли тата икĕ кану объектне уçрĕç. "Упа патĕнче, вăрманта" экологи сукмакĕпе "Юр пĕрчи" гриль-беседка пурне те хăйсем патне илĕртме пуçлĕç. Парк директорĕ Юрий Татарских каланă тăрăх, халĕччен кунта виçĕ экологи сукмакĕ пулнă. "Упа патĕнче, вăрманта" сукмак - тăваттăмĕш. Çак сукмака уçни экологи туризмне малалла аталантарма, вăрмана килнисене çут çанталăк илемĕпе паллаштарма пулăшĕ. "Упа патĕнче, вăрманта" экологи сукмакĕпе "Юр пĕрчи" гриль-беседка уçнă çĕре Самар облаçĕнчи "Хвалынский" наци паркĕпе хамăр республикăри "Присурский" заповедникран килнĕ хăнасем те хутшăнчĕç. Сире те, хаклă туссем, наци паркне турист çул çỹревне чĕнетпĕр.
Н.ИГНАТЬЕВА.