Публикации » Тăлăх ачасене - патшалăх пулăшăвĕ

26 ноября 2014 г.

Тăлăха тăрса юлнă ачасене çемьене йышăнакансене патшалăх пулăшать-ши? В.ГРИГОРЬЕВ. Шăмăршă ялĕ. Ыйту çине районти социаллă хỹтлĕх пайĕн пуçлăхĕ Николай Ендиеров çапла хуравларĕ: - Тăлăх ачасене çемьене йышăнакансене патшалăх шалу тỹлет: 1-2 ачана пăхса усранăшăн уйăхра - 3295, 3 е ытларах ачашăн - 4680 тенкĕ. 3 çула çитмен е инвалид кашни ачашăн - шалу çумне чи пĕчĕк ĕç укçин 50 проценчĕнчен кая мар хушса параççĕ. 6 е ытларах ачана йышăнсан ашшĕ-амăшĕнчен иккĕмĕшне е пĕртен пĕр ашшĕ-амăшне тата - 4680 тенкĕ, кашни инвалид ачашăн чи пĕчĕк ĕç укçин 50 проценчĕ чухлĕ хушса тỹлеççĕ.