29 ноября 2014 г.
Çĕр çинче аннерен кăна килекен тивĕç пур: сăпка умĕнче тăрать вăл, тăван тĕпренчĕкĕшĕн нумай йывăрлăхсене çĕнтерет, пепкине пурнăçăн анлă çулĕ çине тухса малтанхи утăмсем тума пулăшать. Анне - пурнăç илемĕ, унăн чун ăшши пурин валли те çитет. "Анне" сăмах - вышкайсăр, ĕмĕрех сăваплă. Аннесĕр пурнăç çук, пулма та пултараймасть. Эрнекун районти ЗАГС уйрăмĕнче Анне кунне халалланă мероприяти пулса иртрĕ. Унта килнĕ аннесене район администрацийĕн, Шăмăршă ял тăрăхĕн ĕçченĕсем саламларĕç. Çак кун районти виçĕ çемье амăшĕн капиталĕн сертификачĕсене илчĕç.
В.МИХАЙЛОВ. Сăн ỹкерчĕкĕ авторăн.