10 декабря 2014 г.
Чăнах та, паян çĕршывăмăра çăмăл мар. "Йĕри-тавра хура пĕлĕтсем, сыхă тăрăр, çамрăк салтаксем", - çакăн пек юрă пур пирĕн халăхăн. Паян çамрăк ăрăва патриотла воспитани парасси, Тăван çĕршыва чĕререн юратма вĕрентесси шкул коллективĕ умĕнче тăракан тĕп тĕллевсенчен пĕри пулмалла. Раççей Федерацийĕн Президенчĕ В.В.Путин Федераци Пухăвне янă Çырăвĕнче çĕршывăн Хĕçпăшаллă Вăйĕсене малалла та тĕреклетмеллине, Раççей çарĕ тĕнчери чи вăйлă çар пулмаллине палăртрĕ. Пулас çар çыннисене вара шкултах хатĕрлеме пуçламалла. Пирĕн шкулта вĕренекенсем çарпа патриотизмăн "Оленок" тата "Зарница" вăййисенче яланах лайăхпа палăраççĕ, республикăри финал вăййисене те хастар хутшăнаççĕ. Шкул выпускникĕсем хушшинче халĕ çар вĕренỹ заведенийĕсенче пĕлỹ илекенсем, офицер пулма хатĕрленекенсем темиçе те. Эпир вĕсемпе мухтанатпăр, çулпа кĕçĕнреххисем аслисенчен ырă тĕслĕх илеççĕ.
Ю.ЕРМОЛАЕВ, Карапай Шăмăршăри вăтам шкул директорĕ.