Публикации » Çын сывлăхĕ - тĕп вырăнта

10 декабря 2014 г.

Эпĕ, районти çĕр-çĕр çын пекех, В.В.Путин Федераци Пухăвне янă Çырупа тĕплĕн паллашрăм. Çырура тĕп приоритетсен шутĕнче сывă çемье тата сывă наци чи пысăк пĕлтерĕшли тесе палăртнă. Çавăн пекех "Доступная среда" патшалăх программине 2020-мĕш çулччен тăсасси пирки те каланă. Çак программăпа килĕшỹллĕн пирĕн республикăра та инвалидсем валли кирлĕ условисем тăваççĕ, пандуссем вырнаçтараççĕ. Коляскăпа çỹрекен инвалидсемшĕн те нумай тăрăшаççĕ. Чăваш Республикин Пуçлăхĕ Михаил Игнатьев тỹр-рĕмĕнех тăрăшнипе, программăна софинансировани тума кăçал тата 13 миллион тенкĕ укçа тупнă. Çак укçапа пĕтĕмпех Шăмăршăри ваттисем валли вăхăтлăх пурăнмалли уйрăмăн çĕнĕ çуртне тума усă курĕç.

А.ВАЗАНОВ. Шăмăршă ялĕ.