Публикации » Наци проекчĕсем мĕнле пурнăçланаççĕ?

13 декабря 2014 г.

Декабрĕн 11-мĕшĕнче Чăваш Республикин Пуçлăхĕ Михаил Игнатьев наци проекчĕсене пурнăçлас тĕлĕшпе ĕçлекен Канаш ларăвне ирттернĕ. Ларура "Раççей гражданĕсене - йỹнĕ те хăтлă çурт-йĕр" приоритетлă наци проекчĕ мĕнле пурнăçланнипе Строительство, архитектура тата пурăнмалли çурт-йĕрпе коммуналлă хуçалăх министрĕ Олег Марков, "АПК аталанăвĕ" наци проекчĕ мĕнле пурнăçланнипе Ял хуçалăх министрĕ Сергей Павлов, "Сывлăх" наци проекчĕ мĕнле пурнăçланнипе сывлăха сыхлас ĕç тата социаллă аталану министрĕ Алла Самойлова паллаштарнă. "Вĕрентỹ" наци проекчĕпе килĕшỹллĕн, ачаран инвалид пулнисене дистанци вĕренĕвне хутшăнтарас ĕç мĕнле пыни çинчен Вĕрентỹ тата çамрăксен политикин министрĕн пĕрремĕш çумĕ Светлана Петрова каласа панă.