24 декабря 2014 г.
Çынна ырă туни ырăпах таврăнать. Йывăрлăх тỹсекенсене пулăшни вара уйрăмах сăваплă. Украинăри Донбаспа Луганск ачисене уйрăмах шел - вĕсем Çĕнĕ çул умĕн Хĕл мучи парнисемсĕр те тăрса юлма пултараççĕ. Пирĕн тăрăхра вара яланах ырă кăмăллă, çынсен терт-нушине ăнланма-курма пĕлекен çынсем пурăнаççĕ, халĕ те çаплах. Шăмăршăри 42-мĕш пушар чаçĕн ĕçченĕсем те, Çĕнĕ çул умĕн, Украинăри асăннă регионсенчи ачасем валли 8350 тенкĕлĕх кучченеçсем хатĕрлерĕç. Ку ĕçе тĕрĕслесе тăракан шайра вăй хуракансем те хутшăнчĕç. Пĕрлехи вăйпа пилĕк пине яхăн парне хатĕрлерĕмĕр. Çĕнĕ çул кучченеçĕсене ăсатма "Акконд" ОАО автотранспорт уйăрса парса пулăшрĕ.
А.НИЗАМОВ, Шăмăршăри 42-мĕш пушар чаçĕнчи профсоюз организацийĕн председателĕ.