31 декабря 2014 г.
Алексей Николаевич Ильичевпа Сергей Николаевич Угарин пирĕн ялта çуралса ỹснĕ. Хальхи вăхăтра иккĕшĕ те Ульяновск хулинче ĕçлесе пурăнаççĕ, предпринимательсем. Тăван ялта та тăтăшах пулаççĕ, халăхпа курса калаçаççĕ. Ял масарĕ йĕри-тавра тытнă йывăç карта юхăннине курсан, Алексей Николаевичпа Сергей Николаевич çĕнĕ карта тытма ырă пуçару турĕç. Иккĕшĕ пĕрле 140 пин тенкĕ укçа уйăрчĕç. Ку ĕçрен ял тăрăхĕн администрацийĕ те, ял çыннисем те юлмарĕç. Тимĕр юпасем тата высечка туянса, кĕске вăхăтрах çĕнĕ карта тытрăмăр. Çĕнĕ картан пĕр пайне сăрланă, ыттине çитес çул пурнăçлăпăр. Çапла вара, 2014 çулта тунă ырă ĕçсенчен чи палли пирĕн ялти çак пархатарлă ĕç теме пулать. Ырă ĕç пуçаруçисене - Алексей Ильичевпа Сергей Угарина пĕтĕм ял чĕререн тав тăвать.
Г.ЧУГУНОВ, Чукал ял тăрăхĕн пуçлăхĕ.