Публикации » Пашьелсем чăннипех те маттур

31 декабря 2014 г.

Çĕнĕ çул умĕн шăпах çапла каламалли çеç юлать. Сăлтавĕ те çук мар. Республикăри ачасемпе çамрăксен "Тантăш" хаçачĕ 2014 çулхи лауреатсене палăртнă. Çак чыса Пăчăрлă Пашьелĕнчи пĕтĕмĕшле пĕлỹ паракан вăтам шкулта вĕренекен Оля Александрова та тивĕçнĕ. Вăл çивĕч, тавлашуллă, шухăшлаттаракан, усăллă материалсем çырас енĕпе палăрнă, çĕнĕ хыпарсене вăхăтра пĕлтерсе тăнă. "Тантăш" çавăн пекех "Сăвăпа чĕрем юрлать, чун чăвашлăхшăн çунать" конкурса та пĕтĕмлетнĕ. Çĕнтерỹçĕсем хушшинче каллех - Пăчăрлă Пашьелĕнчи пĕтĕмĕшле пĕлỹ паракан вăтам шкулти Ксения Матвеева.

Н.УГАРИНА.