Публикации » Патшалăх Канашне Çырупа тухать

17 января 2015 г.

2015 çулхи январĕн 21-мĕшĕнче Чăваш патшалăх оперăпа балет театрĕнче Чăваш Республикин пиллĕкмĕш суйлаври Патшалăх Канашĕн черетлĕ çирĕм çиччĕмĕш сессийĕ пулса иртет. Унта Чăваш Республикин Пуçлăхĕ М.В.Игнатьев Чăваш Республикин Патшалăх Канашне Çырупа тухать. Çак церемоние Чăваш Республикин влаç органĕсен официаллă www.cap.ru порталĕнче, çавăн пекех "Россия 24" информацилле канал, Наци телевиденийĕн, Наци радиовĕн тата "Тăван радио" эфирĕнче тỹрремĕнех трансляцилеççĕ. Церемони 12 сехетре пуçланать. Чăваш Ен Пуçлăхĕ Çырупа тухнине январĕн 21-мĕшĕнче 18 сехет те 30 минутра Наци телевиденийĕн эфирĕпе тепĕр хут трансляцилеççĕ. "Россия 1" телеканал январĕн 25-мĕшĕнче 10 сехет те 20 минутра Çырăва комментарилесе ятарлă репортаж хатĕрлет.