Публикации » Тухтăрпа пĕрле - çул çỹреве

21 января 2015 г.

Январĕн 17-мĕшĕнче Шăмăршă район больницинче "Тухтăрпа пĕрле - çул çỹреве" ятпа черетлĕ сывлăх акцийĕ иртрĕ. Çул çỹреве Н.Д.Ильина врач-терапевт ертсе пычĕ, чĕрепе унăн сосудисен чирĕсем пирки профилактика калаçăвĕ те ирттерчĕ. "Çуран утни - чĕре чирĕсемпе кĕрешнĕ çĕрте çав тери витĕмлĕ меслет. Çавăнпа та эпир сывă пурнăç йĕркине пропагандăлассине тĕп тимлĕхре тытатпăр", - терĕ çул çỹрев хыççăн район больницин тĕп врачĕ И.А.Смирнова. Çитес шăмат кун - январĕн 24-мĕшĕнче - "Тухтăрпа пĕрле - çул çỹреве" акцие хутшăнакансене ирпе 9 сехетре больница алăкĕ умĕнче кĕтетпĕр. 30-40 минута тăсăлакан çул çỹрев сире ырă кăмăлпа çирĕп сывлăх парнелĕ.

С.ЯКОВЛЕВ,

"Васкавлă пулăшу" уйрăмĕн фельдшерĕ.