14 февраля 2015 г.
Февралĕн 18-мĕшĕнче - юнкун - республикăра, çав шутра пирĕн районта та Пĕрлĕхлĕ информаци кунĕ иртет. Шупашкартан килнĕ тата районта йĕркеленĕ информаци ушкăнĕсем ĕç коллективĕсенче тата ял халăхĕпе тĕл пулса кун йĕркинчи ыйтусемпе калаçу ирттерĕç, граждансен ыйтăвĕсем çине тулли хурав парĕç. Информаци кунĕн тĕп темисем çаксем: Чăваш Республикин Пуçлăхĕ М.В.Игнатьев Патшалăх Канашне янă Çыру; Раççей Федерацийĕн Президенчĕ В.В.Путин 2015 çулта Литература çулне ирттерес тĕлĕшпе йышăннă Указа пурнăçа кĕртесси; РФ Пенси системинчи çĕнĕлĕхсем. Шупашкартан пирĕн района халăхпа тĕл пулса калаçма Чăваш Республикин çутçанталăк ресурсĕсемпе экологи министрĕн пĕрремĕш çумĕ Е.Юшин (ушкăн ертỹçи), Чăваш Республикинчи стандартизаципе метрологи регион центрĕн директорĕ С.Абрамов, республикăри онкологи диспансерĕн клиникин тĕп врачĕн çумĕ И.Долгов, "Юрма" Агрохолдинг" ООО генеральнăй директорĕ В.Ермолаев, Чăваш Республикинчи сывлăх сыхлавĕпе социаллă аталану министрĕн çумĕ Н.Зинетуллина, Чăваш Республикинчи ветеринарипе фитосанитари надзорĕн федераци службин управленийĕн ертỹçин çумĕ Н.Романов тата Чăваш Республикин Патшалăх Канашĕн Аппарачĕн ертỹçи А.Ухтияров килеççĕ.