25 февраля 2015 г.
Район центрне килсе çỹреме питĕ тăкаклă. Хăш-пĕр çăмăллăхсене ЕПГУ урлă илме май çук-ши?
В.МАЛЕЕВ. Кивĕ Чукал ялĕ.
Патшалăх тата муниципал çăмăллăхĕсен (функцисен) Пĕрлĕхлĕ порталĕ (ЕПГУ) район çыннисене килтен тухмасăрах, кĕске вăхăтрах социаллă пĕлтерĕшлĕ çăмăллăхсене илме май парать. Çăмăллăх илес тесен, gosuslugiĕru сайтра регистрациленмелле çеç тата хуть те мĕнле мобильнăй хатĕре Интернетпа çыхăнтармалла. Паян ЕПГУ урлă регионти 94 çăмăллăха (патшалăхăн 42 çăмăллăхĕпе муниципаллă 52 çăмăллăх) илме пулать. Сăмахран, портал урлă мăшăрланнине регистраци тумашкăн заявлени пама, ача çуралнине çирĕплетекен свидетельство йĕркелеме, ГИБДД штрафĕсене тỹлеме, автомашинăна регистрацилеме тата ытти ĕçсем тума май пур.