Публикации » Манмасть юрăçа ял-йыш

18 марта 2015 г.

Мефодий Иванович Денисов... Çак ята илтмен, пĕлмен çын çук та пулĕ. Вăл - РСФСР тава тивĕçлĕ артисчĕ, Чăваш АССР Патшалăх премийĕн лауреачĕ. Ун ятне Чăваш АССР Ĕç Мухтавĕпе Паттăрлăхĕн Хисеп Кĕнекине кĕртнĕ. Çакăн пек çын пулнă Кивĕ Чукалта çуралса ỹснĕ ентешĕмĕр. Ун ячĕпе ялти шкул музейĕнче ятарлă кĕтес хатĕрленĕ. Çак кунсенче унта педагогика ĕçĕн ветеранĕ А.Малеева вĕренекенсемпе асаилỹ сехечĕ ирттернĕ, паллă юрăçăн пурнăçĕпе пултарулăхĕ пирки тĕплĕн каласа панă. Сăмах май, ентешĕмĕр Тăван çĕршывăн Аслă вăрçине те хутшăннă, патшалăх наградисене тивĕçнĕ. Çакăн хыççăн тепĕр "фронт" - сцена. Асаилỹ сехечĕ М.Денисов юрланă юрăсемпе вĕçленнĕ.

А.ИВАНОВА.