Публикации » Федераци те, унăн председателĕ те пур

15 апреля 2015 г.

Карапай Шăмăршăри психоневрологи интернатĕнче районти депутатсен Пухăвĕн депутачĕн Н.Поликарповăн парнисене çĕнсе илессишĕн сĕтелçи теннис енĕпе районта мала тухассишĕн ăмăрту пулса иртнĕ. Ăна спортăн çак енне анлăрах аталантарассине, сывă пурнăç йĕркине тытса пырассине халалланă. Тỹрех каламалла: питĕ çивĕч иртнĕ вăйăсем - ăмăртăва хутшăнакансен аллинче ракеткăсем выляса çеç тăнă, пластмасса шаршăн пĕр канăç та пулман. Ăмăрту яланах чи вăйлисене палăртать. Хальхинче район администрацийĕн специалисчĕпе В.Антонова, халăха социаллă пулăшу паракан Шăмăршăри центрĕн директорне А.Вазанова çитекенсем пулмарĕç. Çĕнтерỹçĕсем медальсемпе Грамотăсене, парнесене тивĕçрĕç. Малашне районти сĕтелçи теннисĕн федерацийĕн председателĕ районти тĕп больницăри А.Молоствов врач-невролог пулĕ. Ăмăртăва хутшăннисем ун кандидатуришĕн пурте пĕр сасăллă пулнă.

Н.ИВАНОВ.