18 апреля 2015 г.
Иртнĕ юнкун, пĕтĕм республикăри пекех, пирĕн районта та пĕрлĕхлĕ информаци кунĕ пулса иртнĕ. Унта республикăран килсе çитнĕ ушкăнсем те хутшăннă, вĕсем ĕç коллективĕ сене çитсе курнă, ĕçлекенсемпе тĕл пулнă. Информаци кунĕн тĕп темисемпе хаçатра маларах паллаштарнăччĕ - тепĕр хут чарăнса тăмăпăр. Вĕсем паянхи, ыранхи тата пулас кунсемпе çыхăннăскерсем. Çынсен вара ыйтусем сахал мар...Чăваш Республикин Сывлăх сыхлавĕпе социаллă аталану министрĕн çумĕ Н.Зинетуллина, район администрацийĕн пуçлăхĕ В.Фадеев ертсе пынă ушкăн Чукал тата Кивĕ Чукал ял тăрăхĕсенче пулнă. Халăхпа иртнĕ тĕлпулусенче Валерий Петрович каланă тăрăх, Аслă Çĕнтерỹ умĕн ветерансем укçа тỹлевĕ илĕç. Районта ку тĕлĕшпе 411 ветеран валли 1669000 тенкĕ уйăрнă.Чăваш Республикин Çутçанталăк ресурсĕсен тата экологи министрĕн пĕрремĕш çумĕ Е.Юшин тата район администрацийĕн пуçлăхĕн пĕрремĕш çумĕ В.Никифоров Шăмăршă, Палтиел ял тăрăхĕ-сенче пулнă, вĕсенчи ĕç коллективĕ семпе курса калаçнă.Чăваш Республикин Патшалăх Канашĕн Аппарачĕн ертỹçипе А.Ухтияровпа район администрацийĕн организацилле ĕçсен пайĕн управляющине Л.Портнована хальхинче Васан ял тăрăхĕнче кĕтсе илнĕ. Информаци кунне хутшăннă ушкăн вырăнти администраци ĕçченĕсемпе тĕл пулса калаçнă, Васанти краеведени халăх музейĕнче пулса курнă.Тĕлпулусем пур çĕрте те ĕçлĕ лару-тăрура иртнĕ, çынсем хăйсене хумхантаракан ыйтусем çине татăклă хуравсем илнĕ.
М.ЮМАНОВА.