18 апреля 2015 г.
Раççейри ял хуçалăх перепиçĕ çинчен калакан федераци саккунĕпе килĕшỹллĕн, çĕршывра вунă çулта пĕрре ял хуçалăх перепиçне йĕркелеççĕ. Раççейре, çав шутра Чăваш Республикинче те, вăл 2016 çулхи июлĕн 1-мĕшĕнчен августăн 15-мĕшĕччен пулĕ.2016 çулта ирттерме палăртнă ял хуçалăх перепиçĕн программине 2006 çулта йĕркеленипе тата 2012 çулти сăнав перепиçне шута илсе хатĕрленĕ. 2016 çулта иртекен ял хуçалăх перепиçĕ çĕрпе эффективлă усă курнине, ял хуçалăх культурисен тата нумай çул ỹсекен курăксен лаптăкне, выльăх-чĕрлĕхпе кайăк-кĕшĕк шутне, ялхуçалăх продукчĕсене сутни пирки пĕлме пулăшĕ. Унсăр пуçне юлашки вунă çулти ял хуçалăх технологийĕн улшăнăвĕсене те шута илеççĕ. Ахальтен мар 2016 çулхи перепиç программине производство инфраструктурине, усă куракан технологисен характеристикине шута илмелли çĕнĕ пунктсем кĕртнĕ. Тĕслĕхрен, ỹсен-тăран сăтăрçисемпе чирĕсенчен хỹтĕлекен биологи меслечĕ сене, тумлампа шăваракан системăра усă курнин, выльăх-чĕрлĕхе уйрăмшарăн апат çитернин, энерги паракан çăлкуçсене çĕнĕрен янин ыйтăвĕсем. Патшалăх пулăшăвĕн пахалăхне тата отрасльти эффективлăх витĕмне шута илсе, перепиç хучĕсене кредит илни пирки тата федераципе республика бюджетĕнчен субсиди илнине палăртакан ыйтусен ятарлă уйрăмне кĕртнĕ.Паянхи куна Чăваш Респуб-ликинче 2016 çулхи перепиçе хатĕрленес ĕçсем иртеççĕ. Ял хуçалăх перепиçне ирттерни агропромышленноç комплексĕн лару-тăрăвĕ пирки пĕлме, çĕршывра эффективлă аграри политикине йĕркелеме пулăшĕ.
ЧĂВАШСТАТ