Публикации » Кĕнеке - пирĕн тус

18 апреля 2015 г.

Ырă  йăлана малалла тăсса, районти централизациленĕ библиотекăсен системин Шăмăршăри библиотекинче март уйăхĕн тăваттăмĕш эрнинче ачасем кашни кунах йышлă пухăнчĕç. Кĕнеке тусĕсем - Шăмăршă вăтам шкулĕнче вĕренекенсем çурхи каникул кунĕсене усăллă ирттерчĕç.Библиотекăри тĕрлĕ мероприятисем ĕç планĕпе килĕшỹллĕн пычĕç. Ачасене малтанхи кун «Янăраççĕ асăну чанĕсем» кĕнеке выставкипе паллаштартăмăр. «Пĕтĕмпех вăрçă пирки» викторинăна та хаваспах хутшăнчĕç вĕсем. Иккĕмĕш кун ачасем Андерсен юмахĕсенчи сăнарсемпе паллашрĕç, вĕсен ырă ĕçĕсене сỹтсе яврĕç. Ытти кунсенче поэтсен вăрçă тематикипе çырнă сăввисен конкурсĕнче ăмăртрĕç, Николай Ишентей писателĕн «Ырă ĕçсен команди» хайлавне вуласа тухрĕç, «Тĕксемлĕ тĕлĕнтермĕш» (Кайăксен кунне халалласа) викторинăри ыйтусем çине хуравларĕç. «Çĕнĕ кĕнекесен кунĕнче» ачасен кураври çĕнĕ изданисемпе паллашрĕç, вĕсене килте вулама çыртарса илчĕç. Ача-пăча кĕнекисен эрни Литература викторинипе вĕçленчĕ.

Л.ЧЕРНЫШОВА,

библиотекарь.