Публикации » Юбиляра - Президент саламĕ

22 апреля 2015 г.

- 90 çула çитнине сисмерĕм те, - тет Кивĕ Чукалта пурăнакан О.Мердеева. Калама кăна вĕт: хăйĕн ĕмĕрĕнче мĕн чухлĕ терт-нуша курма, йывăрлăхсене тỹсме лекмен-ши ăна? Тыл ветеранĕ йывăрлăхсене нихăçан та парăнман, ачаранах ĕçе хăнăхнăскер, аллисене усман - ĕмĕрĕпех колхозра ĕçленĕ. Чăтăмлăх тениех Ольга Григорьевнана çак çула çитиччен пурăнма сывлăх панă пулĕ. Тыл ветеранĕ мăшăрĕпе - Михаил Васильевичпа - çичĕ ача çуратса пурнăç çулĕ çине кăларнă. О.Мердеева Тăван çĕршывăн Аслă вăрçи çулĕсенче тылра хастар ĕçленĕшĕн медале те тивĕçнĕ. Çак кунсенче тылпа ĕç ветеранĕ Раççей Федерацийĕн Президенчĕн В.Путинăн Тав Çырăвне илчĕ.

А.ЧАМЕЕВ.