Публикации » Ăçта канатăн, ял ачи?

22 апреля 2015 г.

Çуллахи каникул кунĕсенче районта ачасем валли кăнтăрлахи 10 профильлĕ лагерь ĕçлĕ, икĕ сменăра 300 ача канĕ. Çавăн пекех палаткăллă лагерь те йĕркелеме палăртнă. Халăхăн социаллă ыйтăвĕсене тивĕçтерекен центр йывăртарах пурнăç условийĕсемлĕ 40 ача валли те путевкăсем уйăрма шантарать. Кăнтăрлахи профильлĕ лагерьсенче кунне икĕ хутчен вĕри апат çитереççĕ (апат- çимĕç продукчĕсен кулленхи хакĕ - ача пуçне 76-шар тенкĕ). Çак тата ытти ыйтусене сỹтсе явнă та апрелĕн 16-мĕшĕнче район администрацийĕн вĕрентỹ тата çамрăксен политики пайĕ ирттернĕ канашлура. Унта хула тулашĕнчи лагерьсенче пирĕн районтан 30 ача канасси çинчен те пĕлтернĕ. Шкулсем çумĕнчи лагерьсен ачасене йышăнма майăн 30-мĕшĕччен хатĕр пулмалла. Юлнă вăхăтпа усă курса, ача-пăча вылямалли тата спорт площадкисене юсаса хатĕрлемелле, лагерьсене пушара хирĕç кĕрешмелли оборудованипе тивĕçтермелле. Район администрацийĕ кăçалхи мартăн 27-мĕшĕнче ачасен çуллахи канăвне тивĕçлĕ шайра йĕркелемелли пирки ятарлă постановлени йышăннă.

Н.ИВАНОВ.