Публикации » Кĕрлет трактор уй-хирте

25 апреля 2015 г.

"КОЛОС" Агрофирмăра çурхи уй-хир ĕçĕсем пуçланчĕç. Тỹпери тăри юррипе тракторсен кĕрлевĕ пĕрлешни çĕр ĕçченĕн чун-чĕрине савăнăçпа хавхалану кỹрет. Кĕр тыррисем лайăх хĕл каçни те кăмăла çĕклет. Вĕсене Петр Захаров механизатор кĕске вăхăтрах минерал удобренийĕпе апатлантарса тухрĕ. Хальхи вăхăтра виçĕ агрегатпа çĕртмене çỹретпĕр. ДТ-75 тракторсемпе ĕçлекен Петрпа Николай Захаровсем, МТЗ-1523 тракторпа ĕçлекен Леонид Кузьмин пысăк хастарлăх кăтартаççĕ. Хуçалăх çурхи ирхи культурăсене 800 гектар акса хăварма палăртрĕ. Вăрлăхсем çителĕклĕ, çунтармалли-сĕрмелли материалсемпе минерал удобренийĕсене те хатĕрленĕ. Уй-хир ĕçĕсем вăй илсех пыраççĕ.

В.ЗАХАРОВ, хуçалăх ертỹçи.