Публикации » Çураки ирттерме - çăмăллатнă кредит

25 апреля 2015 г.

ЧР Ялхуçалăх министерстви пĕлтернĕ тăрăх _ республикăра сезонри уй-хир ĕçĕсене ирттерме паракан финанс учрежденийĕсем хушшинче Раççей ялхуçалăх банкĕн регионри филиалĕн тỹпи 90 процент йышăнать. Çулталăк пуçланнăранпа çак тĕллевпе 520 млн тенкĕ кредит уйăрнă. Иртнĕ çулхипе танлаштарсан çурхи ака-сухана ирттерме укçа-тенкĕ енчен пулăшасси 34 процент ỹснĕ. Банкăн Чăваш Енри филиалĕн директорĕ Ирина Письменская каланă тăрăх _ Раççей ялхуçалăх банкĕ сезонри ĕçсене ирттерме кредитпа пулăшассине тĕп вырăна хурать. Çĕршыври экономика йывăр лару-тăрăвне пăхмасăр ялхуçалăх таварне туса илекенсене хĕрỹ тапхăрта укçапа вăхăтра тивĕçтерĕç. Кредитăн процент ставкине субсидиленипе вăл предприятисемшĕн ытлашши пысăк пулмĕ. Ялхуçалăх таварне туса илекенсем çунтармалли- сĕрмелли материалсем, саппас пайĕсем, удобрени, ỹсен-тăрана хỹтĕлемелли хатĕрсем туянма банкран кивçен илме пултараççĕ.