Публикации » Уяв кунĕсенчи пенсие - маларах

30 апреля 2015 г.

РФ Пенси фончĕн республикăри уйрăмĕ пĕлтернĕ тăрăх - уяв кунĕсенчи пенсисемпе тỹлевсене маларах параççĕ. Май уйăхĕн 3-7-мĕшĕсенчи пенсисене тỹлемешкĕн Перекет банкне РФ Пенси фончĕн республикăри уйрăмĕ укçана апрель уйăхĕн 29- мĕшĕнче куçарнă. Ытти банка пенси тỹлевĕн укçине май уйăхĕн 8-мĕшĕнче çитереççĕ. Кредит учрежденийĕсем ăна лицевой счет çине куçарсанах пенсионерсем нухрата илме пултараççĕ. Почта çыхăнăвĕн уйрăмĕсем пенсие çак графикпа валеçеççĕ: май уйăхĕн 2-мĕшĕнче - май уйăхĕн 3 тата 4-мĕшĕсемшĕн; май уйăхĕн 5-мĕшĕнче - май уйăхĕн 5-мĕшĕшĕн; май уйăхĕн 6-мĕшĕнче - май уйăхĕн 6 тата 7-мĕшĕсемшĕн; май уйăхĕн 7-мĕшĕнче - май уйăхĕн 8 тата 9-мĕшĕсемшĕн; май уйăхĕн 8-мĕшĕнче - май уйăхĕн 10 тата 11-мĕшĕсемшĕн; май уйăхĕн 12-мĕшĕнчен - яланхи графикпа.