30 апреля 2015 г.
Иртнĕ эрнере Анат Чаткасри пĕтĕмĕшле пĕлỹ паракан тĕп шкулта Чăваш Республикин Тава тивĕçлĕ учительне Ф.Тяпушова халалласа ирĕклĕ майпа кĕрешекенсен турнирĕ пулса иртрĕ.Федор Захарович физикăпа математика учителĕ пулнă, пĕтĕм пурнăçне шкулпа, ачасене вĕрентес ĕçпе çыхăнтарнă.Турнир питех те çивĕч иртрĕ. Кавир çинче 25 килограмм виçеллисенчен пуçласа 55 килограма çитичченхи спортсменсем тухрĕç. Ăмăртăва Палтиелĕнчи тата Шупашкартан килнĕ атлетсем те хутшăнчĕç.Хăйсен виçисен категорийĕсенче малтанхи вырăнсене çаксем йышăнчĕç:25 кг - А.Юнкеров, М.Синелев, Д.Еремеев;30 килограмм таранчченхи виçере - А.Тяпушов, Н.Нянин, П.Мутов тата В.Григорьев;40 килограмм таранчченхи виçере - С.Синелев, А.Хрисанов, П.Угасин;45 килограмм таранчченхи виçере - П.Еремеев, Д.Нянин (Шупашкар), М.Козловпа А.Викторов;55 килограмм таранчченхи виçере - В.Фомин, Д.Минуллов (Палтиел), Д.Кузьмин.
В.АНТОНОВ.