Публикации » Республика турнирĕнче - пĕрремĕш

30 апреля 2015 г.

Çак кунсенче Чăваш патшалăх педагогика университечĕн спорт залĕнче «Елчĕксен ентешлĕхĕ» тата республикăри кире спорчĕн обществи Аслă Çĕнтерĕвĕн 70 çулхи юбилейне халалласа турнир ирттернĕ. «Çĕнтерỹ Кубокĕ» ятпа йĕркеленĕ кире спорчĕн республикăри турнирне Чăваш Енри районсемпе хуласенчи тĕрлĕ ỹсĕмри спортсменсем йышлăн хутшăннă. Çак турнирта Шăмăршăра пурăнакан Тĕнче, Европа тата Раççей чемпионĕ В.Шуряков та вăй виçнĕ. 70 çулти тата аслăрах ỹсĕмри спорт ветеранĕсем хушшинчи абсолютлă виçе категорийĕнче, 184,5 очко пухса, Владимир Петрович пĕрремĕш вырăн çĕнсе илнĕ. Ăна Кубок, ылтăн медаль тата Тав çырăвĕ парса чысланă.

И.АНАНЬЕВ.