08 мая 2015 г.
Майăн 6-мĕшĕнче Чăваш Ен Пуçлăхĕ Михаил Игнатьев «Трактор завочĕсем» концерн президенчĕпе Михаил Болотинпа тата çак концерн вице-президенчĕпе Альберт Баковпа тĕл пулнă. Вĕсем концернăн Чăваш Республикин территорийĕнче вырнаçнă предприятийĕсен производство калăпăшне ỹстерес ыйтăва сỹтсе явнă. Майăн виççĕмĕш вунăкунлăхĕнче Внешэкономбанкăн сăнав Канашĕн ларăвне ирттерме палăртнă. Концернăн Чăваш Республикин территорийĕнче вырнаçнă предприятийĕсен 2015 çул вĕçнелле производство калапăшĕпе пĕлтĕрхи шая çитме, малалла вара производство шайне ỹстерсе пыма майсем çителĕклĕ пулĕç. Альберт Баков палăртнă тăрăх, майăн 9-мĕшĕнче Мускавра иртекен Çĕнтерỹ Парадне «Трактор завочĕсем» концерн предприятийĕсенче туса кăларнă 40 единица çар техники хутшăнĕ. Çав шутра - БМД-4М, БТР МДМ, БМП «Курганец-25» тата БТР «Курганец-25» çар машинисем.
ЧР Президенчĕн Администрацийĕн пресс-служби.