Публикации » Чăннипех те тивĕç хисепе

08 мая 2015 г.

Николай Федорович Романов 1915 çулхи ноябрĕн 19-мĕшĕнче Ярăслав ялĕнче çуралнă. Тăван çĕршывăн Аслă вăрçине хутшăннă: фронтри паттăрлăхшăн ăна III степень Мухтав орденĕпе, Хĕрлĕ Çăлтăр орденĕпе тата медальсемпе наградăланă. Мăшăрĕ - Евдокия Викторовна та Тăван çĕршывăн Аслă вăрçи вăхăтĕнче тылра хастар ĕçленĕшĕн медале тивĕçнĕ. Сăпайлă та ырă кăмăллă, ĕçчен çынсене ял-йыш хисепленĕ. Николай Федорович вăрçăри суранĕсем шала кайнине пула 1976 çулта çĕре кĕнĕ. Упăшки вилсен çулталăкран мăшăрĕ те пурнăçран уйрăлса кайнă. Ырă çын вилет - ырă ят юлать. Ял-йыш тата тăванĕсем хисеплĕ ветерансене асран кăлармаççĕ, Çĕнтерỹ уявĕнче вĕсене асăнса палăк умĕнче пĕр самант шăп тăраççĕ.

Л.РОМАНОВА.