Публикации » Экзаменсен шутне ỹстерĕç-и?

13 мая 2015 г.

РФ Вĕренỹ  министерстви 9-мĕш класра ăс пухакансене тăватă экзамен тыттарасшăн. Ведомство 2016 çултан пуçласа вырăс чĕлхипе математикăсăр пуçне тепĕр икĕ экзамен суйлаттарма сĕнет. Ку çĕнĕлĕхе министерство хушăвĕн проектĕнче палăртнă. Документа обществăн майăн 15-мĕшĕччен сỹтсе явма май пулĕ. Ку патшалăх пĕтĕмлетỹ аттестацийĕ витĕр 2016 çулта тухакан шкул ачисене пырса тивĕ. Унччен РФ вĕренỹ министрĕн пĕрремĕш заместителĕ Наталья Третьяк ППЭ хыççăн патшалăх пĕтĕмлетỹ аттестацине çĕнетесси, экзаменсен йышне майĕпен ỹстересси пирки пĕлтернĕ. Ун чухне палăртнă тăрăх, 9-мĕш классен 2016 çулта - 4, 2018 çулта - 5, 2020 çулта вара 6 экзамен тытмалла. Хальлĕхе вĕсем математикăпа тата вырăс чĕлхипе çеç экзамен параççĕ.