Публикации » Депутатсен Пухăвĕн ларăвĕ

16 мая 2015 г.

Майăн 13-мĕшĕнче район администрацийĕн çуртĕнче район депутачĕсен Пухăвĕн черетсĕр 36-мĕш ларăвĕ пулса иртнĕ. Ларăва район пуçлăхĕ Менир Хамдеев ертсе пынă. Лару ĕçне район администрацийĕн пуçлăхĕ Валерий Фадеев хутшăннă. Кун йĕркинчи тĕп ыйтупа - «Чăваш Республикинчи виççĕмĕш созыври Шăмăршă районĕн депутачĕсен Пухăвне депутатсем суйлас тĕлĕшпе пĕр мандатлă суйлав округĕсен схемине çирĕплетесси çинчен» - Шăмăршă территори суйлав комиссийĕн председателĕ Владимир Тихонов тухса калаçнă. Депутатсем пĕр саслă пулса пĕр мандатлă 17 суйлав округĕнчен тăракан схемăна çирĕплетсе хăварнă. Ларура çавăн пекех район депутачĕсен Пухăвĕн ларăвĕсен маларахри йышăнăвĕсене, муниципал пурлăхне 2015 çулта приватизацилемелли прогноз планне хăш-пĕр улшăнусем кĕртнĕ. Лару йышăнăвĕсене район администрацийĕн официаллă сайтĕнче вырнаçтарнă.

В.ДМИТРИЕВ.