16 мая 2015 г.
Тĕнче, Европа, Раççей тата Чăваш Ен чемпионĕ К.Кусаинов тĕрлĕ шайри ăмăртусене тăтăшах хутшăнать. Çак кунсенче вăл Крым Республикинчи Керчь хулинче иртнĕ кире триатлонĕн чемпионатĕнче вăй виçнĕ. Яланхи пекех, Шăмăршăри вăтам шкул учителĕ çак чемпионатра та чи вăйлисенчен пĕри пулнă. 40 çулти тата аслăрах ỹсĕмри, 95 килограмм таранчченхи виçери спортсменсем хушшинче ăмăртса, К.Кусаинов 24 килограмлă кире пуканне классикăлла мелпе йăтассипе те, ăна виçĕ енлĕн (вăрăм цикл) çĕклессипе те пĕрремĕш вырăн йышăннă, икĕ ылтăн медале тивĕçнĕ. Тĕнче чемпионĕн ятне тăватă хутчен çĕнсе илнĕ пултаруллă ентешĕмĕре ăшшăн саламлатпăр, спортра малашне те ăнăçу сунатпăр.
И.АНАНЬЕВ.