20 мая 2015 г.
РАÇÇЕЙ халăх артисчĕ, паллă юрăçă тата композитор Олег Газманов Аслă Çĕнтерỹ пулнăранпа 70 çул çитнĕ май çынсен чун-чĕрисенче мăнаçлăх çуратакан тата пирĕн çĕршыв çĕнтерĕвĕсене халалланă «Малалла, Раççей!» çĕнĕ видеоклип хатĕрленĕ. «Малалла, Раççей!» клип хайлавçисем тата Олег Газманов 3 минута тăсăлакан роликре пирĕн çĕршывăн мухтавĕпе пуянлăхне уçăмлăн кăтартса парассишĕн питех те тăрăшни яр уççăн палăрса тăрать. Клип композицине 2014 çулхи кĕркуннех çыртарнă. 2015 çулхи майăн 1-мĕшĕнче Интернетра ролик вырнаçтарнăранпа унпа 500 пин ытла çын паллашма ĕлкĕрнĕ. Апла пулин те Олег Газманов патриотла юрăсене халăх хушшине кăларассинчи хăшпĕр йывăрлăхсем çинче чарăнса тăнă: «Пирĕн çĕршывра çакăн йышши клипсене кăтартмалли пĕр медиаплощадка та çук. Пирĕн патриотла радио та, телевидени те çук. Патшалăх вăй-хăвачĕпе çыхăннă юрăсене тĕнче умне кăларассишĕн пĕрлехи вăйпа тăрăшмалла», - тесе палăртнă «Малалла, Раççей!» юрă авторĕ тата ăна юрлаканĕ.