Публикации » Июнĕн 12-мĕшĕнче - Акатуй

20 мая 2015 г.

Тунтикун район администрацийĕнче «Акатуй-2015» уява хатĕрленсе ирттерес енĕпе йĕркеленĕ оргкомитет ларăвĕ иртнĕ. Кăçалхи Акатуй июнĕн 12-мĕшĕнче яланхи вырăнта - Шăмăршă çумĕнчи хыр вăрманĕн илемлĕ уçланкинче иртет. Уява Аслă Çĕнтерỹ 70 çул тултарнине тата Раççейри Литература çулталăкне халаллаççĕ. Ларура комитет членĕсен тивĕçĕсене çирĕплетнĕ тата предприятисемпе организацисен ертỹçисем, ял тăрăхĕсен пуçлăхĕсем васкавлăн пурнăçламалли ĕçсене палăртнă. «Акатуя пур енчен те лайăх хатĕрленсе кĕтсе илмелле, илемлĕ те асра юлмалла ирттерсе ямалла», - палăртнă оргкомитет председателĕ - район администрацийĕн пуçлăхĕн пĕрремĕш çумĕ Владимир Никифоров. Вăл ялсене тирпей-илем кỹрес ĕçе хăвăртлатмалли çинче уйрăмах чарăнса тăнă.