23 мая 2015 г.
ЮНКУН республикăра, çав шутра пирĕн районта та Пĕрлĕхлĕ информаци кунĕ иртнĕ. Халăхпа тĕл пулса калаçма Шупашкартан Чăваш Республикинчи Сывлăха сыхлас ĕçпе социаллă аталану министрĕн çумĕ Наиля Зинетуллина тата Чăваш Республикин Патшалăх Канашĕн Аппарачĕн ертỹçи Анатолий Ухтияров килсе çитнĕ. Наиля Зинетуллинапа район администрацийĕн пуçлăхĕ Валерий Фадеев Шăмăршăри пĕччен ватăсемпе инвалидсем пурăнмалли уйрăмăн çĕнĕ çуртне тунă çĕре кайса курнă. Хальхи вăхăтра кунта шалти ĕçсем пыраççĕ. Объекта Республика кунĕ тĕлне хута яма палăртнă. Наиля Зинетуллинапа Валерий Фадеев çавăн пекех районти тĕп больница коллективĕпе тата пациентсемпе тĕл пулса калаçнă, информаци кунĕн ыйтăвĕсене тишкернĕ. Чăваш Республикин Патшалăх Канашĕн Аппарачĕн ертỹçи Анатолий Ухтияров тата район администрацийĕн юридици секторĕн пуçлăхĕ Вячеслав Дмит-риев Чукал ял тăрăхне çитнĕ, ял тăрăхĕн администрацийĕнчи, шкулти тата культура учрежденийĕсенчи ĕç коллективĕсемпе, ветеранĕсемпе тĕл пулса калаçнă. Çак кун çавăн пекех районта йĕркеленĕ информаци ушкăнĕ-сем те ялсене çитсе халăхпа тĕл пулнă, информаци кунĕн ыйтăвĕ-сем тăрăх калаçу ирттернĕ.
И.МИХАЙЛОВ.