27 мая 2015 г.
ШĂМĂРШĂ. Паянхи выпускниксем 11 çул каялла пĕрремĕш класа килсен Н.В.Львовапа М.В.Чураева учительсем вĕсемшĕн амăшĕ вырăннех пулнă. Юлашки шăнкăрав уявĕнче шкул директорĕ В.В.Хорькова, район администрацийĕн вĕрентỹ тата çамрăксен политики пайĕн пуçлăхĕ Н.И.Ендиеров, Чăваш Республикин ветеринарипе фитосанитари надзорĕн федераци службин управленийĕн ертỹçин çумĕ Н.В.Романов, выпускниксен пĕрремĕш учительници М.В.Чураева, 11 "а" класс ертỹçи И.Г.Кудряшова сăмах илчĕç, каччăсемпе хĕрсене телейлĕ çул сунчĕç. Выпускниксене çавăн пекех пĕрремĕш класс ачисем те саламларĕç, вĕсем пек пултаруллă та хастар пулма шантарчĕç. Шăмăршăри "Юмах" ача сачĕн воспитанникĕсем те уява илем кỹчĕç. Вĕсем хăвăрт-рах çитĕнсе шкула каяс ĕмĕтпе пурăнаççĕ вĕт-ха. Чун-чĕрене хумхантарса юлашки шăнкăрав янăрарĕ. Вунпĕрмĕшсемпе тăххăрмĕш-сене патшалăх экзаменĕсене тытнă чухне ăнăçу тата телей сунар.
Н.МИЛЮШКИНА.
ВАСАН. Ялти пĕтĕмĕшле пĕлỹ паракан тĕп шкулăн 9 класĕ-нчен кăçал 8 çамрăк вĕренсе тухать. Выпусниксене шкул директорĕ А.Захаров, Васан ял тăрăхĕн администрацийĕн пуçлăхĕ Ю.Ильин, район администрацийĕн вĕрентỹ тата çамрăксен политики пайĕн методисчĕ М.Викторов, çамрăксен ашшĕ-амăшĕпе пĕрремĕш учителĕсем чун-чĕререн саламларĕç, пурнăç çулĕпе шанчăк-лăн утма телей сунчĕç.
А.ЛАРИОНОВ.
КАРАПАЙ ШĂМĂРШĂ. Тин çеç пĕрремĕш шăнкăрав янăранăччĕ... Халĕ шкул пĕтерекенсен тепĕр савăнăçлă, çав вăхăтрах тунсăхлăрах самант. Туйма, ăнланма пулать вĕсене: тăван шкулпа сывпуллашма пĕрре те çăмăл мар-çке... Линейка, йăлана кĕнĕ йĕркепе, Раççей Федерацийĕн тата Чăваш Республикин Патшалăх Гимнĕсем янăранипе уçăлчĕ. Унтан 11 тата 9 класс пĕтерекенсене шкул директорĕ Ю.Ермолаев саламларĕ. Кăçал вĕренсе тухакансем пурте экзаменсене тытма тивĕç пулнă. Район администрацийĕн халăха вĕрентес ĕç тата çамрăксен политикин пайĕн методисчĕ В.Кузьмина та пурнăçăн анлă çулĕ çине тухма хатĕрленекенсене ăнăçу сунчĕ. Çавăн пекех пухăннисене ял тăрăхĕн администрацийĕн пуçлăхĕ В.Денисов, "Туслăх" ФСК тренерĕ А.Ичанкин, В.Медведева тата В.Сельцова вĕрентекенсем саламларĕç. Хумхануллă та асра юлмалли самант: 11 класри А.Степановпа 1 класри П.Мамонтова аллисенчи шăнкăрав тунсăхлăн янăрарĕ. Тăххăрмĕшсемшĕн ку шăнкăрав юлашки пулмĕ-ха _ нумайăшĕ вăтам пĕлỹ илес тейĕç. Умра _ тата та хĕрỹрех тапхăр: экзаменсем. Иккĕ-ленỹ çук: кашниех тĕрĕслев витĕр ăнăçуллă тухĕ. Тен, ылтăн е кĕмĕл медальсене тивĕçекенсем те пулĕç...
Т.СТЕПАНОВА.
ПĂЧĂРЛĂ ПАШЬЕЛ. Çанталăк та шкултан вĕренсе тухакансемшĕн савăнать тейĕн _ иртенех сар хĕвел йăл кулать. Ачасен аллисенче _ çурхи пĕрремĕш чечексен çыххисем. Юлашки шăнкăрав вĕт. Вунпĕрмĕш класран вĕренсе тухакансем куççуль тумламĕ-сене чечексемпе пытарма тăрăшаççĕ. Вуннăмĕш класра вĕренекен С.Можаевпа Е.Малеева _ линейкăна ертсе пыракансем _ выпускниксемпе пухăннисене уявпа саламларĕç. Шкул директорĕн Н.Симурзинан сăмахĕсем те хумхануллă пулчĕç. Ял тăрăхĕн администрацийĕн пуçлăхĕ В.Угарин та вĕренсе тухакансене экзаменсене тытса пурнăç çулĕ çине тухма ăнăçу сунчĕ. Выпускниксем шăрантарнă "Юлашки шăнкăрав" юрă та темшĕн тунсăхлăн янăранă пек туйăнчĕ. Юлашки шăнкăрава вунпĕр-мĕш класри Е.Антоновпа пĕрремĕш класри Е.Белякова пачĕç.
Н.УГАРИНА.