Публикации » Инкекрен сыхланас тесе

27 мая 2015 г.

РАЙОНТИ вĕрентỹ заведенийĕсенче ВДПО тата Чăваш Республикин Чрезвычайлă лару-тăру комитечĕ пуçарнипе пушар хăрушсăрлăхĕн уйăхлăхĕ иртрĕ. Çак тапхăрта районти тĕрĕслев уйрăмĕн, ВДПОн ĕçченĕсем шкулсенче пулса ачасемпе пушар сиенĕ, вут-кăварпа асăрханусăр пулни мĕн патне илсе çитерни пирки калаçусем йĕркеленĕ. Пушара хирĕçле темăпа диктантсем çырнин усси те пысăк. Ачасен çуллахи каникулĕ те _ тĕп тимлĕхре. Мĕншĕн тесен вĕсем хăйсене çак тапхăрта ирĕклĕ туяççĕ, вут-кăвар тухас хăрушлăха кăларса тăратма пултараççĕ. Ашшĕ-амăшĕсен кĕçĕн çулхи ачасемпе уйрăмах тимлĕ пулни кирлĕ. Енчен те пушар тухнине асăрхасан мĕн тумалла-ха? Çухалса каймалла мар. Вĕренекенсен вут-çулăма хирĕç кĕрешмелли хатĕрсемпе усă курма пĕлмелле. Уйăхлăх вăхăтĕнче пушарти эвакуаци йĕркисене те пăхса тухнă, ку тĕлĕшпе практика занятийĕсене йĕркеленĕ.

М.ИЛЬИН.