30 мая 2015 г.
"СОВЕТСКАЯ ЧУВАШИЯ" хаçат, "Чувашия" ГТРК тата Чăваш наци телевиденийĕ пĕрлехи вăйпа хатĕр-ленĕ телепрограммăн черетлĕ кăларăмне Чăваш Республикинче ĕçсĕрлĕх ыйтăвне мĕнле татса панине халалланă. Кăларăма майăн 26-мĕшĕнче "Россия-1" регион телеканалĕнче тата Наци телевиденийĕпе кăтартрĕç.
1. Килĕштерсе ĕçленинче _ ăнăçлăх "ÇУЛСЕМ шăваççĕ малалла, вунçиччĕ тултаратăп. Ăçта ĕçлес-ха ман ун чух, ăçта-ха вырнаçас?" Владимир Маяковский сăввинчи çак йĕркесем паян та _ шкулсенчи выпускной экзаменсем вăхăтĕнче питĕ вырăнлă янăраççĕ. Професси суйласа илсе, çамрăк çын хăйĕн шăпине татса парать, çĕршывшăн усăллă çын пулма хатĕрленет. Экономика политикин тĕп çул-йĕрĕ кадрсен потенциалĕпе уйрăлми çыхăннă. Техникăпа ĕçлекен специалистсем вĕрентсе хатĕрленĕ çĕрте ĕç паракансемпе педагогика коллективĕсем пĕр тĕллевпе ĕçлени пысăк пĕлте- рĕшлĕ. Акă, 2013 çулта "Элара" ОАОпа Шупашкарти электромеханика колледжĕ пĕрле çыхăнса ĕçлеме килĕшỹ тунă. Чăваш Республикин Пуçлăхĕ Михаил Игнатьев, вĕрентỹ мастерскойĕсене курса çỹренĕ май, мухтамасăр тỹсеймен: "Кунта пурте "Элара" цехĕ-сенчи пек, технологи приборĕ-сем те чи çỹллĕ шайра". "Элара" ертỹçи Андрей Углов Михаил Игнатьева мастерскоя пуянлатма 5 миллион тенкĕ уйăрни çинчен пĕлтернĕ. Усси вара тăкаксенчен чылай пысăк-рах. Колледж радиоэлектроника енĕпе ĕçлекен специалистсем хатĕрлет. Юлашки çулсенче кăна радиотехника аппаратурин 100 ытла монтажникне вĕрентсе кăларнă.
2. Станок умĕнче _ çамрăксем ШУПАШКАРТИ электромеханика колледжĕ пилĕк профессипе тăхăр специальноç илмелли вĕрентỹ программипе ĕçлет. Электротехника центрĕсĕр пуçне энергетика, информаци технологийĕн тата машиностроени центрĕсем те туса хунă. Мастерскойсене пысăк класлă компьютерсемпе тивĕçтернĕ центрсем вырнаçтарнă. Рабочи профессийĕ илес текенсем питĕ йышлă.
3. Испанецсем Чăваш Ене килĕштереççĕ Юлашки пилĕк çул хушшинче Чăваш Енре 100 инвестици проектне пурнăçа кĕртнĕ, çав шутра ют çĕршывсен капиталĕпе те анлăн усă курнă. Çакă пысăк технологиллĕ 12 пин ĕç вырăнĕ туса хума май панă. Кунта "Керамика" ОООна тĕслĕх вырăнне илсе кăтарт- ма пулать. Вăл 2007 çултанпа ванна пỹлĕмĕсем валли изделисем хатĕрлекен тĕнчипех паллă Рока Групп компанин пĕр пайĕ шутланать. Рока Групп завод ертỹçи _ Испани бизнесменĕ Антонио Линарес Ногера Михаил Игнатьева çапла каланă: Чăваш Енре ĕçлесе вăл ку республикăн чăн-чăн патриочĕ пулса тăнă. Рока Группăн Раççейре çичĕ завод пулсан, виççĕшĕ Чăваш Енре вырнаçнă. Çĕнĕ Шупашкар хулинче те çĕнĕ проектсем пурнăçа кĕртес шухăшлă. 2020 çул тĕлне Чăваш Республикинче, бюджетпа çыхăнман çăлкуçсемпе усă курса, çĕнĕ производствăна аталантарма тата халĕ ĕçлекеннисене модернизацилеме 85 миллиард тенкĕрен кая мар укçа-тенкĕ ĕçе кĕртме палăртнă.
4. Лару-тăру _ тимлĕхре "Советская Чувашия" хаçат корреспонденчĕ Михаил Игнатьевран ĕçсĕрлĕх ыйтăвне мĕнле татса пама шутлани çинчен ыйтнă. Михаил Васильевич çĕнĕ ĕç вырăнĕсем туса хунă май ĕçсĕр-лĕх чакса пынине палăртнă. Ĕçпе тивĕçтерекен службăра 13,4 пин ваканси пур. Уйрăмах рабочи специальноçĕсемпе ĕçлеме çынсем кирлĕ. Çавăн пекех медсестрасем, воспитательсем, менеджерсем, инженерсем çитмеççĕ. Ĕç рынокĕн- чи лару-тăрăва правительство çирĕп тимлĕхре тытать. Ĕçсĕрлĕх ыйтăвне татса парас тĕллевпе кăçал 131 миллион тенкĕ ытла укçа-тенкĕ уйăрнă.