03 июня 2015 г.
"ВАСИЛИЙ АРБУЗОВ", _ тесен, Карапай Шăмăршăпа Çĕнĕ Тăрăн ялĕсенче пурăнакансем ырă сăмахсем çеç калаççĕ. Нумай çул хушши ялта киномеханик- ра ĕçлесе Василий Александрович халăх хисепне тивĕç пулчĕ. Эпир ача чухне кино пирĕншĕн чун йăпатмăшĕ, пурнăçа илемлетекен искусство пулнă. Кино курма клуб тулли çын пухăнатчĕ. Василий Арбузов киномеханик кашни фильмах пысăк ăсталăхпа кăтартатчĕ. Василий Александрович 1950 çулхи майăн 31-мĕшĕнче Карапай Шăмăршă ялĕнче çуралнă. Ялти 8 çул вĕренмелли шкул хыççăн тỹрех ялти клубра моторист пулса ĕçлеме тытăннă. Ун чух ялта электричество пулман, çавăнпа та Василий Юманов киномеханикпа пĕрле движока ĕçлеттерсе кино кăтартнă. 1969 çултан пуçласа 1999 çулччен В.Арбузов хăй киномеханик пулса ĕçленĕ. Унпа пĕрле чылай çул хушши киномеханикăн пулăшаканĕнче Г.Лукьянов, Н.Кириллов, А.Петров, В.Иванов тăрăшнă. Василий Александрович çынсене кино курма илĕртме пĕлетчĕ, çывăх вăхăтра кăтарма палăртнă илемлĕ фильм содержанийĕпе кĕскен паллаштаратчĕ. Индире, Египетра ỹкернĕ илемлĕ фильмсене, Тăван çĕршывăн Аслă вăрçи çинчен ỹкернĕ фильм-сене халăх уйрăмах килĕш-теретчĕ. Василий Александрович уйăхри тата çулталăкри плансене яланах ирттерсе пурнăçланă. Ĕçри хастарлăхĕшĕн ăна районти киносеть дирекцийĕпе профсоюз комитечĕ темиçе хутчен те Хисеп грамотипе тата Тав çырăвĕпе чысланă. 1988 çулта Василий Александрович "Культурăн чи лайăх ĕçченĕ" ята тивĕçнĕ. Ăна КПСС райкомĕпе райсовет ĕçтăвкомĕн Хисеп грамотипе, республикăри киносеть управленийĕн Дипломĕ- пе чысланă, сăнỹкерчĕкне Хисеп хăми çине вырнаçтарнă. 1995 çулта Василий Арбузов "Раççей Федерацийĕн хисеплĕ кинематографисчĕ" ята тивĕçнĕ. Çавăн пекех ăна В.И.Ленин çуралнăранпа 100 çул çитнĕ ятпа кăларнă медальпе те чысланă. Василий Александрович хăйĕн мăшăрĕпе Людмила Ивановнăпа хĕрпе ывăл çуратса çитĕнтернĕ, пурнăç çулĕ çине кăларнă. Паян вĕсене виçĕ мăнукĕ савăнăç парнелеççĕ. _ Ватăлас килмест-ха, _ тет йăл! кулса Василий Александрович. _ Килти хуçалăхра тăрăшатпăр, выльăх-чĕрлĕх усратпăр. Çирĕп сывлăх, вăрăм ĕмĕр сунатпăр Сире, Василий Александрович!
Г.ПЕТЬКОВА,
Карапай Шăмăршă ялĕ.