Публикации » «МолГород - 2015» йыхравлать

06 июня 2015 г.

Июнĕн 2-мĕшĕнче Шупашкарта «МолГород - 2015» регионсем хушшинчи вĕрентỹ форумĕ уçăлнă. Унта Чăваш Республикин Пуçлăхĕ М.Игнатьев, Патшалăх Думин Вĕрентỹ комитечĕн председателĕн çумĕ А.Аршинова, Чăваш Республикин Вĕрентỹ тата çамрăксен политикин министрĕ В.Иванов тата ытти офицаллă çынсем хутшăннă. Пухăннисемпе хăнасене саламланă май М.Игнатьев форумăн пĕлтерĕшĕ пысăк пулнине палăртнă. Форума ертсе пыракан С.Трофимов пысăк пĕлтерĕшлĕ мероприятие йĕркелеме пулăшнăшăн М.Игнатьева тата А.Аршинована тав тунă. «МолГород - 2015» форум июнĕн 7-мĕшĕччен тăсăлать. Йĕркелỹçĕсем каланă тăрăх, форумăн кăçалхи программи тĕрлĕ енлĕ, мероприятие республикăри пултаруллă, тĕрлĕ енлĕ аталаннă çамрăксем хутшăнаççĕ - кашниех хăйĕн проектне тăратма, ăна пурнăçа кĕртме инвестор е компаньон тупма пултараççĕ.