11 июня 2015 г.
Майăн 12-мĕшĕнче Тури Чаткасри Александр Николаевичпа Венера Валерьевна Кузьминсен çемйинче хĕрпĕрчи - районта кăçал çут тĕнчене килнĕ 50-мĕш ача çуралнă. Пĕчĕк чиперккене телейлĕ мăшăр Ульяна ят панă.Ульяна - латынь чĕлхинчен «телей» тесе куçарăнать. Унăн кунçулĕ телейлĕ пултăрах!Кăçалхи 5 уйăхра районта 51 ача - 24 арçын ачапа 27 хĕрача çуралнине регистрациленĕ. Ашшĕ-амăшĕ хăйсен ачисене ытларах Кирилл, Дмитрий, Степан, Анастасия, Валерия, Виктория ят пани курăнать.
Т.МАТВЕЕВА,
районти ЗАГС пайĕн пуçлăхĕ.