Публикации » Шупашкар+Европа, спорт вăл туслăх!

23 июня 2015 г.

Июнĕн 19-мĕшĕнче каçхине Шупашкарти Хĕрлĕ лапамра Европăри çăмăл атлетика енĕпе командăсем хушшинче иртекен VI чемпионатне чаплă лару-тăрура уçнă. Çак церемоние Чăваш Республикин Пуçлăхĕн тивĕçĕсене вăхăтлăха туса пыракан Михаил Игнатьев та хутшăннă. Чемпионата уçмашкăн Европăри çăмăл атлетсен ассоциацийĕн (ЕАА) президенчĕ Свейн Арне Ханс, Пĕтĕм Раççейри çăмăл атлетсен федерацийĕн президенчĕн тивĕçĕсене туса пыракан Вадим Зеличенок, чемпионат оргкомитечĕн генеральнăй директорĕ, ВФЛА ĕçĕсен директорĕ Михаил Бутов хутшăннă. Спортсменсемпе спорта юратакансене тата хăнасене Чăваш Ен Пуçлăхĕн тивĕçĕсене вăхăтлăха туса пыракан Михаил Игнатьев хĕрỹллĕн саламланă, Европăри çăмăл атлетсен ассоциацийĕн ертỹçисене чемпионата Чăваш Енре ирттерме йышăннăшăн чĕререн тав тунă. Чăваш Республики спортсменсемпе мухтавлă. Республикăри кашни виççĕмĕш çыннăн спорт пурнăç тĕллевĕ пулса тăрать. Европа чемпионатне Европăри 12 çĕршыв спортсменĕсем хутшăннă. Чăваш Ен командин йышĕнче - пирĕн Анжелика Сидорова.