02 марта 2013 г.
ТĂВАН çĕр-шыв хÿтĕлевçин кунне халалласа "Аленушка" ача садĕнче "Зарничка" конкурсĕ иртрĕ. Вăйă "Офицерсем" (аслă ушкăн) тата "Пăхаттирсем" (шкула каяс умĕнхи ушкăн) хушшинче иртрĕ. Ачасем хăйсен пултарулăхĕпе ăсталăхне тĕрлĕ енлĕн кăтартрĕç: мечĕксене тĕл пересси, "пăрахутпа" пристане маларах ишсе çитесси, "çапăçу хатĕрĕсене" палăртнă вырăна илсе çитересси.
Пĕтĕмлетÿ хыççăн "Пăхаттирсем" çĕнтерÿçĕ пулни палăрчĕ. Командăсенчи шăпăрлансене пурне те медальсемпе чысларĕç.
Хĕр ачасем пĕчĕк пулас салтаксене сăвă-юрăпа савăнтарчĕç, хăйсен аллипе ăсталанă парнесем парса хавхалантарчĕç.