Публикации » Уй-хиртен килнĕ хыпарсем

01 июля 2015 г.

Юлашки кунсенче çунă çумăр çĕр ĕçченĕшĕн чăннипех те чи хаклă парне пулчĕ. Шел те, Чукалпа Кивĕ Чукалта, Улмаллăпа Хĕрлĕ Васанта нỹрĕк ытти çĕртинчен сахалтарах ỹкнĕ. Ĕнерхи кун тĕлне районти хуçалăхсенче 8910 гектар çинчи культурăсене гербицидсемпе пĕрĕхнĕ. Пурĕ 2350 гектар çинчи нумай çул ỹсекен курăксенепĕрремĕш хут çулнă (89 %). 1340 тонна утă (халăха сутнипе пĕрле), 480 тонна сенаж хатĕрленĕ. 450 гектар çинчи хура пусса сухаланă. Хальхи вăхăтра пĕтĕм вăя выльăх апачĕ ытлă-çитлĕ хатĕрлесси çине хумалла. Нумай çул ỹсекен курăксене халиччен те пĕрремĕш хут çулса илессине вĕçлеменни хытă пăшăрхантарать. Те утă темелле хытса кайнă курăка, те вутă... Кашни япалан - хăйĕн вăхăчĕ, пĕр ĕçе те кая хăварма юрамасть. Вырма ĕçĕсене хатĕрленме те паянах пуçăнмалла.