Публикации » Юрласа тухать вăл уй-хире

01 июля 2015 г.

 Чăваш Республикин  Пуçлăхĕн ĕçĕсене вăхăтлăх туса пыракан Михаил Игнатьевăн çак кунсенче йышăннă Указĕпе пирĕн районти «Исток» ООО генеральнăй директорне Юрий Старшова «Чăваш Республикин ялхуçалăхĕн тава тивĕçлĕ ĕçченĕ» хисеплĕ ят панă. Юрий Артемьевич Хайпăла ялĕнче çуралса ỹснĕ, Чăваш патшалăх ялхуçалăх институчĕн (халĕ - академи) зоотехника факультетне пĕтернĕ. Вăл ертсе пыракан «Исток» ООО районта чи лайăххисен шутĕнче. Çĕр ĕçĕнче те, выльăх-чĕрлĕх отраслĕнче те палăрмаллах ỹсĕмсем пур. Ахальтен мар ĕнтĕ кăçалхи Акатуйра "Исток" ОООна икĕ хутчен район администрацийĕн Хисеп грамотипе чысларĕç. Район Пухăвĕн депутачĕ пулнă май, Юрий Старшов суйлавçăсен ыйтăвĕсене татса парассишĕн нумай тăрăшать. «Хамăр çын - çĕр çынни», - теççĕ ун пирки Васансемпе Ярăславсем тата Кившăмăршăсем.

И.САЛАНТАЙ сăнỹкерчĕкĕ.